Mme Motshabi
Ramatlapeng

Botshelo jwa Moswi

Mme Motshabi Ramatlapeng

Mme Motshabi Ramatlapeng e ne e le ngwana wa bofejane mo baneng ba le lesome le bongwe ba ga Rre Rabogatsu Ramatlapeng le Mme Mmabotsesta Ramatlapeng, mo kgotleng ya Mmampotlo mo Tlokweng. O tshotswe ka di 09 September 1953.

O simolotse dithuto tsa gagwe tse di potlana kwa Batlokwa National Primary School. Fa a fetsa dithuto tsa gagwe a ya go bereka mo Tlokweng, Main Clinic e le moroki. O ne a le mo kgwebong ya tiro ya diatla, a roka, a loga diaparo ka mefuta. Go tswa foo a ya go bereka ko Score Supermarket, e e neng e bidiwa Fraiciers Supermarket. Fa a tlhokela tiro o ne a nna molemi-morui.

Mme Motshabi o tlhokafala e le leloko la motiya la kereke ya The Twelve Apostles Church of Africa, ko a re tlogelang a kolobileng teng.

Mmaarona o ne a segofaditswe ka bana ba le supa, bomme ba le bane le borre ba le bararo. O tlogela bana ba le bane, bomme ba le babedi le borre ba le babedi, bana ba bana ba le supa le dikokomane di le tharo. O tlogela mogolowe wa rre a le mongwe.